BASAMUT

Bulan puasa ni, bila tangah hari Palui pina bahinip haja di kamar. Kada tahu jua nangpa dipaulahnya. Ujar inya pang puasa haja, imbah bazuhur guring sampai ka ashar.

Tumat panambaian bulan puasa sampai sapuluh hari puasa bilang tabanyak di kamar balakang haja bahinip bila siang hari.

Imbah kamarian, kaluar inya pada kamar. Bila kaluar pada kamar tu pina sigar pang.

Pas partangahan bulan puasa, kada dikira-kira mintuha Palui nang di kampung datang bailang.

“Aku handak manamuni cucuku. Aku umpat bamalam di sini lah. Salajuran aku handak marasani bapuasa di kuta,” ujar sidin.

Imbah basisimpun, mintuha Palui mancari ka Palui. “Mana Palui nih, kada talihat. Bahaluat di langgar kah Luh?” ujar sidin manakuni bini Palui.

“Kada bah ai. Ada ai tuh di kamar balakang. Guring kalu imbah bazuhur tadi,” ujar bini alui manyahuti.

Imbah bapapandiran, Bini Palui bahancap tulak ka pasar handak batutukar gasan babuka puasa. Pas handak tulak, inya manggarak Palui di kamar balakang.

Lawas dikiyau kada sing cungulan jua Palui. Imbah parak satangah jam hanyar kaluar pada kamar. “Lui, aku guring di kamar balakang haja. Aku handak bamalam di sini,” ujar mintuha Palui.

“Pian di kamar muka haja bah ai. Di sini bahamburan,” sahut Palui.

“Kada. Aku asa nyaman amun guring di kamar balakang ni. Kamar muka tu imbah anu aku kahumapan,” ujar sidin pulang sambil masuk mambawa buntalan ka kamar.

Sidin langsung maampar tapih bahalai di lantai. “Nah... aku handak guring di bawah haja. Kada nyaman guring di tilam, humap,” ujar sidin pulang.

Malihat mintuhanya barabah di lantai, kada ka pagguringan Palui makinnya pina galagapan. Imbah itu inya langsung bajauh maninggalakan mintuhanya nang mulai bapajam handak guring.

Kada lawas imbah itu, timbul tadangar gadangkaran di kamar balakang. Mintuha Palui bahalulung saling nyaringan. Sidin kaluar tumatan kamar sambil bagaru bahimat. Hibak samut gatal di awak sidin.

“Hau.. kanapa maka aku dihurung samut gatal. Kanapa pina basamut banar di kamar tu,” ujar sidin sambil bakipuh.

Bini Palui nang hanyar bulik matan pasar, hancap masuk ka kamar mangibah sambil manyapui samut nang basapai di lantai. “Baaaahhh... Ka sini pang pian satumat,” bini Palui bakuciak mangiyau Palui. Palui bamara sambil batunduk ha.

“Cucuk ai basamut. Amun hibak wadai di bawah ranjang. Ada es satrup wan mi goreng. Bakas pabila ini bah?” ujarnya manakuni Palui.

Imbah dianyaki bahimat hanyar Palui basuara. “Iih ma ai.. itu bakas aku tadi, aku kada puasa,” ujar Palui kasusupanan.

“Cucuk ai bakaras manyuruh aku guring di kamar muka. Sakalinya kamar balakang ni ikam ulah kamar sakadup lah,” ujar mintuha Palui.

Hinip Palui mandangar mintuhanya baucap. Kada sing bunyian lagi kasasusupanan banar inya.

Sumber :http://banjarmasin.tribunnews.com/read/artikel/2011/8/9/94171/Basamut

Riwayat Datu Suban

Datu suban sering disebut juga Datu Sya'iban Ibnu Zakaria Zulkifli dgn ibunda bernama Maisyarah, beliau hidup dikampung muning tatakan kabupaten tapin rantau kalimantan selatan, beliau semasa hidupnya mempunyai martabat tinggi dan mulia,peramah dan paling disegani yg patut diteladani oleh kita sebagai penerus dan pewaris yg hidup diabad modern ini.

Datu suban adalah guru dari semua datu orang muning,selain ahli ilmu tasawuf,datu suban juga ahli ilmu taguh (kebal), ilmu kabariat, ilmu dapat berjalan diatas air, ilmu maalih rupa, ilmu pandangan jauh, ilmu pengobatan, ilmu kecantikan, ilmu falakiah, ilmu tauhid dan ilmu firasat, dgn ilmu yang dimilikinya banyaklah org yg menuntut ilmu kepada beliau dan yang paling terkenal ada 13 orang..

1.Datu Murkat
2.Datu Taming Karsa
3.Datu Niang thalib
4.Datu Karipis
5.Datu Ganun
6.Datu Argih
7.Datu ungku
8.Datu Labai Duliman
9.Datu Harun
10.Datu Arsanaya
11.Datu Rangga
12.Datu Galuh Diang Bulan
13.Datu Sanggul

Diantara ilmu ilmu yg selalu diajarkan dlm setiap kesempatan beliau selau mengajarkan ilmu mengenal diri (ilmu ma'rifat) dgn tarekat memusyahadahkan Nur Muhammad,hal ini tdklah mengherankan karena sebelum datu suban mengajarkan ajaran makrifat melalui tarekat Nur Muhammad ini, seorang ulama banjar yaitu syekh Ahmad Syamsuddin Al-Banjari telah menulis asal kejadian Nur Muhammad itu,yg naskahnya ditemukan oleh seorang orientalis bangsa Belanda R.O.Winested.

Datu suban dikenal sebagai wali Allah beliau memiliki karamah kasyaf yaitu terbukanya tabir rahasia bagi beliau sehingga dapat mengetahui sampai dimana kemampuan murid muridnya dlm menerima ilmu ilmu yg diberikannya,seperti akan menyerahkan kitab pusaka yg kemudian hari dinamakan kitab barencong,kitab tsb beliau serahkan kepada Datu Sanggul (abdussamad),murid terakhir yg belajar kepada beliau,menurut pandangan kasyaf beliau hanya abdussamad lah yg dapat menerima, mengamalkan dan mengajarkannya,karamah beliau yg lain beliau mengetahui ketika akan tiba ajalnya,ketika dari mata beliau keluar sebuah sosok yg rupanya sangat bagus,bercahaya dan berpakaian hijau,ini berarti tujuh hari lagi beliau akan berpindah alam,empat hari kemudian dari tubuh datu suban keluar lagi cahaya berwarna putih amat cemerlang,besarnya sama dgn tubuh beliau dan berbau harum semerbak,ini berarti tiga hari lagi beliau akan meninggalkan dunia fana ini,oleh karena itu beliau segera mengumpulkan semua murid muridnya,setelah semua muridnya berkumpul beliau berkata, "Murid murid yg aku cintai,kalian jangan terkejut dengan panggilan mendadak ini,karena pertemuan kita hanya hari ini saja lagi,nanti malam sekitar jam satu tengah malam aku akan meninggalkan dunia yg fana ini,hal ini sudah tidak bisa ditunda tunda lagi,karena ketentuan ALLAH telah berlaku"

Kemudian beliau membacakan firman ALLAH surat An-Nahal ayat 61 yang berbunyi: "Apabila sudah tiba waktu yang ditentukan maka tidak seorang pun yang dapat mengundurkannya dan juga tidak ada yang dapat mendahulukannya."

mendengar ucapan beliau itu semua yg hadir diam membisu seribu bahasa.
"Nah,waktuku hampir tiba"kata Datu suban memecah kesunyian itu.
"Mari kita berzikir bersama sama untuk mengantarkan kepergianku"kata Datu Suban lagi.
Semua murid dipimpin oleh beliau serentak mengucapkan zikir "Hu Allah...Hu Allah...Hu Allah..."

"Perhatikanlah ..apabila aku turun kurang lebih 40 hasta sampai pada batu berwarna merah sebelah dan hitam sebelah,aku berdiri disana nanti,maka pandanglah aku dengan sebenar benarnya,yang ada ini atau yang tiada nanti,lihatlah akau ada atau tiada,kalau ada masih diriku ini tidak menjadi tiada,berarti ilmu yang kuajarkan kepada kalian belum sejati,tetapi bila aku menjadi tiada berarti ilmu yangkuajarkan kepada kalian adalah ilmu sejati dan sempurna"

Setelah berkata demikian beliau diam,kemudian meletuslah badan Datu Suban dan timbul asap putih,hilang asap putih timbul cahaya (nur) yang memancar mancar sampai keatas ufuk yang tinggi,kemudian lenyap ditelan kemunculn cahaya rembulan.

Semua yang hadir takjub menyaksikan kejadian itu,kemudian terdengar gemuruh ucapan murid murid beliau...Inna lillahi wainna ilaihi raaji'uun.


sumber: - manakib Datu Suban dan para Datu
              - cerita Datu-datu terkenal kalimantan selatan
              - Kisah Para Datu dan Ulama Kalimantan Blog
              - facebook page Kisah Para Datu  dan Ulama Kalimtan

Mancari Sasuap Nasi

UJAR habar, satiap hari ahad atawa hari parai di
Banjar rami banar. Apa lagi nang ngarannya mal
itu, bilang bagarumuk tu pang urang baulanja.
Makanya Palui hari ahad ini mambawai anak
bininya ka Banjar. Kabujuran inya hanyar manukar
motor, bakas jua pang, nang panting kawa jalan
ujarnya.
Pas Palui saparanakan sudah siap handak tulakan,
datang Tulamak lawan Garbus manyambang.
“Handak kamanaan, Lui?” Tulamak managur sambil
manjinguk ka dalam mutur.
“Kami handak ka Banjaran,” sahut Palui. “Buhan
ikam handak umpatan kah?”
Kada mahadang dibawai dua taku kali lagi, lakas
Tulamak wan Garbus babuatan. Lalu mangalunyur
ai buhannya tulakan samuturan.
“Kada usah balalaju, Lui ai. Cukup jalan 20 haja,”
ujar Tulamak manggayai.
“Hi ih, Lui ai. Biar buruk asal salamat,” umpat jua
Garbus mahapaki mutur Palui. Imbah masuk
Banjar, bagasut muturnya pina darudut-darudut.
Kada saapa langsung mati sapanjadi. Muguk! Pas di
simpang ampat Kantur Pus Basar. Untung Palui
sawat mangapinggirakan muturnya.
“Labar am. Pacang batunjul kita,” ujar Palui sambil
macuba mahidupi lagi.
“Hadang hulu. Biar aku pariksa dahulu,” ujar Palui.
Paharatan asik mamariksa napa nang rusak, datang
kakanakan mambawa gitar mamaraki.
“Kanapa, Mang. Lagi mugukkah muturnya?” ujarnya
batakun.
“Kada! Lagi dibasuh!” sahut Tulamak sangkal. “Tahu
haja urang lagi kamugukan, batakun pulang,”
ujarnya marangut. “Ikam pang handak baapa
kamari?”
“Ulun handak manyamin, eh salah, handak
mangamin, Mang ai. Handak mahibur pian-pian,
bulih aja kalu?” jawab kakanak tu sambil
mambunyiakan gitarnya siap handak banyanyi.
“Bulih ai, asal hakun kada kami bayar,” lakas
Tulamak manyahut.
Takajut kakanak tu mandangar, bamandak inya
mamainakan gitar, kada jadi banyanyi sambil
baucap, “Umai, pamalarnya pang! Asal buhan pian
tahu haja, Mang lah, suara ulun ni mahal.” ujarnya
baagak.
“Tahu ai, suara ikam tu mahal. Alias mahalulung!”
Palui nang masih mambaiki muturnya lakas
manyahut. Lalu bakurinah inya malapas gawian,
mamaraki kakanak tu. “Sabujurnya kami ni kada
mamalarakan duit pang, Tuh ai. Tapi, ujar habar,
basadakah di lampu habang pacangan kana
danda.”
Tapi kakanak tu dasar karas jua, kesah kada
mandangar lawan pandiran Palui, tatap haja inya
manjawab tarus. “Ulun mangamin ni gasan
mancari sasuap nasi, Mang ai,” ujarnya kada mau
kalah.
Garbus nang tumatan tadi kada tatahu, bakurinah
baparak, umpat jua inya bapandir, “Kalu handak
mancari sasuap nasi, jangan di jalanan, Tuh ai, tapi
di dapur. Cuba ikam bulik ka rumah, buka kincing
atawa tatudung, kaut nasi ambil iwak, makan ai lagi
ikam handak jubung jah tasarah ikam. Kada ngalih
kalu?”
Tapakalah banar kakanak tu tadi, kada kawa lagi
manjawab. Mahancap inya bajauh kada sing
suaraan. Kada tulih-tulih lagi lawan buhannya
batalu nang kurihingan di higa mutur.
(Sumber Banjarmasin Post edisi cetak)